風魔殺人王 2008-7-13 07:10
中五畢業後的改變
冇諗過..........5年的時間真係咁快....
我小5開始般左入石梨到住.....住到而家.....都有成7年啦.....而我的中5時間就是正正常常的5年:092:
諗返起.....開學禮同畢業禮似格左兩三日咁.....
開學日大家新同學都玩得好開心~放左學一齊玩,等車搭,一齊食飯........真係極為開心:089:
到左中二.....我跟一大班同學都係不停咁玩CS,打兵乓波,好鬼正,日日都覺得時間唔夠用咁............
到左中三.....online game出左超多.....而小弟就玩左隻勁難升lv的墨香online.....為左升lv...成日咋病唔返學......升到十大果陣以為自己好威,好勁咁。
到左中三尾......比我負負錄錄咁升左理科:097: :097: 果陣我開心到訓唔著......但惡夢而家先到....
到左中四.....發現自己除左數學,科學之外任何科目都跟唔上........就要晚晚係學校溫書溫到嘔............但都好好彩,比我識左兩個志同道合的知己。放學,溫完書就一齊玩返回信長,真係好開心....
到左中五......我地個個都薄哂條命一齊去溫書........生物......物理...化學....付加數......英文........溫到我地個個死左半條命。
會考啦,考完哂成個人輕鬆哂......因為放低左一合背左13年的重擔......到8月4號前都可以不停瘋狂地玩。
回諗返起......真係覺得時間真係太快......無論係學業上......師生關係上都覺得總係差咁D野.............
過左512四川大地震......我知到時間唔係上天必然比我地......係我地要珍惜.....之前我用黎玩的時間.....比100分之1災民都可以救返幾廿條人命...更加知道我地要珍惜身邊所有野.....因為令你幸福的事.....除時可以係數秒內無哂......自有呢個覺悟後.....我將我所有之前浪費好多時間的東西都賣了出去.....十大的墨香AC.....上將的HP....3隻100lv的天外ac....夾夾埋埋都有成萬幾蚊...我毫不留情捐哂比聯合國了.....因為呢件事我比阿媽阿爸罵我傻.....捐1000都夠....但我的內疚.....10萬蚊都唔夠黎補......
到而家.....快要放榜....心情又緊張起黎..........成日聽到人地話咩咩努力過就得啦...講真有邊個唔擔心...就係努力過先驚.....因為怕之前的努力係白廢....
我講左咁多廢話.....就係希望大家多D關心身邊的事物,珍惜你地的時間.....更重要的....係唔好打咁多機.....搵多D死黨同埋知己.....
到畢業後我地所講的內容.....完完全全唔係打機果回事....而係講返以前返學邊個阿sir,mis做過D kai野....食飯有咩得意事發生咁......
希望大家都明我呢一返說話^^"
gn02260359 2008-7-13 22:38
um...容許我話返你阿媽阿爸一句
『你地先係傻!』
佢地應該開心至岩..有個咁識得諗ge仔.(斷估樓住唔係女掛:102: )
如果個個都好似佢地咁諗~香港邊有可能會捐到咁多錢出去?
可以幫到人果種開心ge心情..絕對係比你果萬幾蚊帶黎ge開心.多更加多倍
相信樓主你都體驗到啦?
其實你都冇野要內疚..至少你都冇做過任何傷天害理的事
至於學業..你有心的話,以家開始發奮都仲央砥�
今次唔得?最多咪下次囉..如果真係有努力過..驚咩?
會考只要你有努力過..要升到f.6一d都唔難的
加油吧@_@
ison4787 2008-7-15 01:51
xd
8 月 4 日
我生日:047:
希望你過關啦
大埔超傻佬XDD 2008-7-16 00:09
我今年先中一...仲有4年先會考...
唉,突然覺得時間過得真慢~
風魔殺人王 2008-7-23 02:02
而家中1冇會考=口="
希望大家珍惜同朋友之間相處的時間- -"而家我都係成個月先可以約班FD出黎打返回信長.....食餐飯
